عبر عدد من خريجات جامعة الملك فيصل وخاصة طلاب كلية الآداب عن أزمة وقع فيها أكثر من 1500 طالبة من زميلاتهن تمثلت في عجز الكلية عن إجراء حفل تخرج يليق بهن، بعد 4 سنوات من الدراسة والتحصيل.
وقال الطالبات عبر هاشتاق أطلقنه، مؤخراً، حمل وسم #جامعه_الملك_فيصل_خريجات_الاداب أنهن فوجئن بانحصار حفل تخرجهن داخل قاعة الكلية التي لا تحتمل هذا العدد من الطالبات وذويهن والكادر التدريسي للكلية .
وخلال الهاشتاق الذي وصل “نرند” بمحافظة الأحساء ، تفاعل عدد كبير من النشطاء معهن، وقام سعادة الدكتور ظافر الشهري عميد كلية الأداب بالتعليق على طلباتهن بقوله: ” بناتي خريجات الكلية أبارك لكم تخرجكم وآمل أن تعلموا أن عدم إقامة الحفل في القاعة الكبرى خارج عن إرادتنا “.
تجدر الإشارة إلى الطالبات طالبن بعقد حفلهن بقاعة الجامعة الرئيسة، لتناسب عدد الحضور، حيث يأمل طالبات الكلية الحصول على حفل يليق بهن وبذويهن .
#جامعة_الملك_فيصل_خريجات_الاداب
للاسف اللي قاعد يصير مفروض ما يصير من الجامعة الي احتضنتنا اربع سنوات !!!!— نورة الزمامي??? (@nourah_bz) May 12, 2017
#جامعة_الملك_فيصل_خريجات_الاداب وفي الاخير أتمنى يتسارعون بالتنظيم اللائق بنا وبالجامعه. pic.twitter.com/AdiqTQBWV2
— . दाद (@d3oii) May 12, 2017
#جامعة_الملك_فيصل_خريجات_الاداب بناتي خريجات الكلية أبارك لكم تخرجكم وآمل أن تعلموا أن عدم إقامة الحفل في القاعة الكبرى خارج عن إرادتنا
— د.ظافر الشهري (@dhafer_KFU) May 12, 2017
#جامعة_الملك_فيصل_خريجات_الاداب
اللي يسأل عن السالفه حنا خريجات كلية الاداب 2000 طالبه بيسوون لنا حفل تخرج مدته ساعه متصورين ؟— إليَصابات (@fifi3love) May 13, 2017
الف شكر اتمنى ان صوتنا يوصل
كوني طالبة في جامعة الملك فيصل هذا يعني ان لي كل الحق في المطالبه بحفل يليق بي ك طالبة جامعيه وان كان الحفل مدته ساعه فقط اذا من الافضل ان لايكون هنالك حفل
ان احضر والدتي الى الحفل معي اذا يجب ان يكون الحفل على مستوى راق يناسب مقامها
وشكرا
والله هذا اقل شي ممكن يسوونه لهم الله يكون بعونهم حفل تخرج جامعي هذا مش متوسط
صج حفل تخرج الجامعه المفروض يكون افضل شي مش اي كلام
صدقتي احسنت
كليه ادرس فيها ٦سنوات صيفا شتئا مطرا رعدا
و ابسط حق حفل تخرج يليق ب طالبات مافي ??♀️
التعليق
حفل تخرج الثانويه افضل منا واحنا ع التعب حفل تخرج مايليق للجامعيات ومدة ساعه ليه هالاهمال وتعبنا وين راح
هذا الشيء من اقل حقووقنا كطالبات جامعيات في نفس الجامعة نطلب المساوة والعدل فقط!!!
لانكم مش تربويات. طالبو بشهادة تربويه وتلقيائاًً يكون لكم حفل يليق بمقام شهادتكم
طالبوو ياخواتي بشهادة تربويه. اولا
من رايي ي يتأجل الحفل او يصير مساء دام الموضوع بيكون ساعه
أن حصاد 4 سنوات من التعب والاجتهاد والإرهاق للوصول الى سلالم النجاح ، يتجسد في يوم “بفرحة” وهي فرحة يوم التخرج ، هذا يوم له معنى وقيمة كبيرة لدى الطالبات متأملين أن يتم هذا اليوم على أتم وجه وأتم صورة مناسبة لهن ومطالبتهن بهذا الأمر هو حق من حقوقهن لأنه ليس يوماً عادياً في قلب كل خريجة، نأمل تعويض ماحدث في السنوات القادمة للخريجات التوالي وإقامة مثل هذا الحفل في قاعة ملائمة وبصورة مناسبة جداً للمتوجات بوشاح التخرج الجامعي لمرحلة البكالوريوس.
السلام عليكم ورحمة اللة وبركاته مساء الخير اصلا مالا داعي لحفل التخرج جنودنا في الحد الجنوبي يقاتلون من أجل الوطن والمواطن وانتن تبون حفل للتخرج وعساكم ماتخرجو وهشتاق فاشل
صح كلامك ??????
. أحتفلي في بيتكم مع أهلك أخوانك أبرك لك ولاتحبون بس الصجه واللجه والشهاده الجامعيه صارت مثل الثانويه.وتركو الهذره والناس جايعه مش لاقيه تاكل وأنتوا ترند ونطالب أقول المجتمع في إنحدار.أنتهى ….أنتهى.
الحين المدارس الابتدائية قامو يسوون حفل لأغلب الصفوف وحفل تخرج لسادس ومرتبين والجامعة مجمعتهم كأنهم في عزا
وشو تعب سنين مستخسرين فيهم ينبسطون
دائما نحن خارج إطار جامعة الملك فيصل ومنسيون وحقوقنا مهضومه في كل شي ، مبنى خارج الجامعة والمسؤلون يتهربون واخلاقهم في انحدار وبعيده كل البعد عن المستوى التعليمي ، نرجو الاهتمام بذمة وضمير ..
دايم احنا نعامل وكأننا مو من ضمن جامعة الملك فيصل المسؤولين عندنا اخلاقهم في انحدار ولا يمثلون التعليم الجامعي
انا خريجة وصراحه خياس وحر وتخرج من ١٢ الى ١ تخرج جداً فاشل بيكون اتمنى الحفل يكون مساء اذا مافي مساواة وهذي جامعة وقسم اداب مفصول عن المدينة الجامعية وجامعتنا ماخذه المستوى الثالث ع باقي الجامعات على اي اساس ??
ليتهم يشوفون الجامعات الثانيه وش يسوون للطالبات بالتخرج ! ع الأقل قاعه عدله ، و الاداب يسلكون لنا بمسيره كأننا عساكر بتدريب و خلاص يلا طلعوا بيتكم?
صدق انا ابي شهادة تربويه
احنا من حقنا كجامعيات ودرسنا خمس سنوان يكون لنا حفل ع مستوى نفرح ومكافئة تعبنا طول هالسنين كذا ظلم حرام عليهم طالبات الكليات الثانيه في الجامعه بيسوون لهم حفل ع مستوى وكافي ان الاميره بتحظر الحفل احنا ساعه ومسيره بس ويطلعونا بيوتنا وش هالمسخرره دائماً مايحطون اعتبار لكلية الاداب ومش معترفين فيها وانها تابعه لجامعة الملك فيصل من زمان كافي انهم ما ضمو كليتنا داخل المدينة الجامعيه،أجلو الحفل والافضل يكون مسائي
احنااا من حقنااا نفرح في هذا اليوم ?
من حق كل طالبه جامعية ان تطالب بتخرج يليق بتعبها ومقام والدتها، وانا طالبه ليست خريجة وإنما الموضوع لا يتطور اكثر من ذالك، كلنا معكم خريجات جامعة الملك فيصل كلية الاداب ٢٠١٧
جامعة ملك فيصل بالاحساء مالها حل كلشي خربطه
صحيح دائماً كليتنا مهمشه،، حتى اصدار شهادات لمراتب الشرف الاولى والثانيه للطالبات الاتي تفوقن وتعبن ع انفسهن حتى يصلوا لهذا المستوى لايوجد حقاً مؤسف ???
ياحبكم للحفلات والهذره .. لفو سمبوسه حق رمضان بس وانتو ساكتين .. دارسين اربع سنوات عشان حفله … حدكم قرقيعان
هذي مشكلتنا في من هم ع شاكلتك .. من حقهم يطالبون بحفل تخرج .. والا شكلك ماعديت الثانويه وجاي تسلبهم حقهم ياراعي السمبوسه .. اي صح اكتب عدل مره ثانيه وتعال علق ..
ما عليه يا بناتي
هذا حال أهل الأحساء
عادي جدا حنا كنا خريجات 1427/1428 كنا ندرس في الكليه العلكيه تابعه لجامعة الملك فيصل لم يعملوا لنا اي حفل تخرج وﻻ ايتكريم مع وجود طالبات متفوقات بامتياز ومرتبة الشرف حرمونا من فرحة التخرج وحتى مكافأة اﻻمتياز لم يكلفوا انفسهم للتواصل معنا ﻻستﻻمها او تحويلها لحسابنا في البنك كانت مناولة يد بيد شيك و ورقة المستحقات معلقه على باب مكتب اللي لها قريبه تقرا اسمها وتعلمها تجي تاخذ شيكها محظوظه واللي راحت عليها على الله العوض بعد مرور هالسنوات ﻻ زالت غصة حرمانا من حفل التخرج وان نلبس عباءة التخرج وتنادى اسماءنا فﻻنه بنت فﻻن تقدير ممتاز مع مرتبة الشرف هذا الكﻻم ايام ما كانت د اعتدال حجازي عميدة الكلية و كريمة الملحم وكيلة شؤون الطالبات وحتى السجل اﻻكاديمي بالموت اخذته منهم