عاجل

حتى هذه الساعة … أمطار متوسطة إلى غزيرة تشهدها “الأحساء” ومدن الشرقية

في قرار مستفز … طالبات #جامعة_الملك_فيصل إلى كلياتهن “كعابي”..!!

الزيارات: 12907
تعليق 37
https://www.hasanews.com/?p=6390668
في قرار مستفز … طالبات #جامعة_الملك_فيصل إلى كلياتهن “كعابي”..!!
إسلام حسن - الأحساء نيوز

اشتكى عدد من طالبات جامعة الملك فيصل بالأحساء من “التمييز العنصري” بحسب وصفهن لعدم إتاحة الفرصة للفتيات اللاتي يركبن الحافلات الجامعية من الدخول إلى حرم الكليات واضطرارهن للمشي داخل الجامعة لفترات طويلة وسط الأجواء الحارة .

واشتعل هاشتاق #جامعة_الملك_فيصل مجدداً بالطالبات الشاكيات من سوء الوضع، حيث فيهن من لا تحتمل هذه الحرارة العالية والمريضة وغيرهن من المتضررات.
وكانت قد أعدت إحدى الطالبات شكوى حصلت “الأحساء نيوز على نسخة منها من إحدى الطالبات عبر جوال القراء، مفادها معاناة الطالبات من دخول الجامعة في اليوم الأول للدوام الجامعي أمس الأحد، حيث توقفت الحافلات عند البوابة 7، وبعدها يتم إنزال الطالبات وتذهب كل طالبة لكليتها داخل حرم الجامعة.
وأضافت الرسالة، أن المدة المستغرقة من الموقف إلى كلية الحاسب على سبيل المثال 20 دقيقة مشي في الأجواء الحارة، أما من يرغب بالذهاب للمدينة الجامعية أو كليات العلوم والتربية فسيحتاج 25 دقيقة أو أكثر .
وتساءلت الطالبات عن سبب التفرقة بإدخال الحافلات الصغيرة والسيارات العادية للحرم الجامعي وركاب الحافلات من الطالبات يضطررن للمشي كل هذه المدة .
جدير بالذكر أن جامعة الملك فيصل كانت قد جهزت أول أمس منطومة رائدة لرفاهية الطلاب والتي من ضمنها قاعة الانتظار المكيفة التي تم تهيئتها خصيصاً للطالبات والتي تعمل بالطاقة الشمسية، حيث ستكون هذه القاعة مفتوحة طِوال العام الدراسي ليتسنى للطالبات الجلوس فيها وذلك لانتظار وسيلة نقلهن من وإلى الجامعة، وكان مدير الجامعة الدكتور عبدالعزيز الساعاتي قد أطلع على عملها للاطمئنان على راحة الطالبات.

التعليقات (٣٧) اضف تعليق

  1. ٣٧
    طالبه جامعيه

    إدارة الأمن والسلامه كيف توافق على هذا التنظيم المشي مسافات طويله للطالبات
    والصعود من درج والنزول من درج اخر نرجو منهم اعادة النظام القديم وهو دخول الحافلات من بوابه ١٥ ندفع للباصات ١٨٠٠ ريال وآخر شي نمشي مسافات طويله الضرر في الدخول والخروج وتأخر على المحاضرات وفي الخروج الباصات لها أوقات محدده ف نضطر للتأخر ساعه عن موعد الخروج بسبب المشي

  2. ٣٦
    ولي امر طالبة

    لقد عانت ابنتي في اول يوم دراسي !! واضطرت للمشي فوق ٢٥ دقيقة للوصول الى مبناها ،وايضاً عند الخروج تفاجأنا بنفس الامر !!! واضطرت للعودة الى المكان نفسه تحت أشعة الشمس الحارقة!! فبسبب خوفي على ابنتي أمرتها بالغياب في اليوم التالي!الى متى يا جامعة فيصل هذه القرارات الغير مدروسة !

  3. ٣٥
    طالبه جامعيه

    إدارة الأمن والسلامه كيف توافق على هذا القرار المشي مسافات طويله للطالبات ونصعد من درج وننزل من درج اخر وهذه مضر للطالبات اللي عندها مشاكل ف التنفس واللي عندها ربو نرجو منهم اعادة النظام القديم وهو الدخول من بوابه١٥
    ندفع للباصات ١٨٠٠ ريال عشان نوصل مقر الكليه بس الحين خساره
    نتضرر من هذا القرار ف الدخول والخروج ونتاخر على المحاضرات وفي الخروج الباصات لها أوقات محدده نمشي مسافة طويله وفي النهايه الباص يمشي

  4. ٣٤
    إياد

    من الأخير الساعاتي حان وقت الرحيل

  5. ٣٣
    جواد النويصر

    الف شكر لمنبرنا الاحساء نيوز
    نيابة عن بناتي اقدم جزيل الشكر لصحيفة الاحساء
    نيوز لبث همومنا وايصال شكوانا للمسؤل ونرجومتابعة هذا الموضوع المضر ببناتنا كما نرجو من ادارة الجامعة الوقوف على ارض الواقع ومشاركة بناتنا في وضعهم المزري الحالي في المشي
    شكرا ثاني مرة الاحساء نيوز

  6. ٣٢
    نقليات الرصاصي

    لا تعليق !!!!!!!!!!!
    كل سمستر كذا كل يوم لهم نظام جديد وبوابة جديده لدخول والخروج يكفي المسافه اللي يمشونه ??????????من مواقف كلية العلوم الى داخل مبنى العلوم?.

  7. ٣١
    بورضا

    الله يكون في عونكم يابنات صج معانات مايحس فيها الا الي مثلكم . وياريت المسؤلات يمشون مثل الي تمشونه في هالحر والرطوبه بعباياتكم وقطاويكم وغير حمل اشنطتكم عشان يحسون بمعاناتكم .يجب عليهم ان يشوفو حل لمشكلتكم.
    هم يمكن خايفين من ازمة زحمة السيارات والباصات الي راح توقف او تتجمع لانتظاركم .
    بس مهما كانت الاسباب يجب ان يجدو حل لكم.
    وشكرا

  8. ٣٠
    طالبة جامعيه

    حسبي الله ونعم الوكيل لمتى يعني متى راح تصير الجامعه مثل الجامعات الاخرى اليوم انا ماوصلت الكليه الا روحي طالعه من المشي هو ياليت بس مشي نركب درج دائري وكل درجه اكبر من الثانيه خافو الله فينا تراكم مسوؤلين عنا محاسبين يوم القيامه احنا في ضمتكم والله والي رفع سبع ونزل سبع اني مااحلل ولا شخص في جامعه الملك فيصل الظلم ظلمات يوم القيامه

  9. ٢٩
    طالببة

    قسم بالله حالة مب طبيعية واذا تاخرنا سجلونا غياب سخافاتتت
    زياده ع الطريق الطويل المتعب ينزلونا وتمشي مسسسافه طويلة وصعود درج ونزولل وهذا لسا مبعد نوصل للمدينه الجامعيه
    ارحمونا محتارين ب انفسهممم ???

  10. ٢٨
    ولي أمر طالبة

    ما فكروا في حامل ولا في مريضة ولا الي عندها أغراض كثير تعبنا من القرار الي كل سنة تصير اسوء من قبل حسبي الله ونعم الوكيل

  11. ٢٧
    عبدالله الحنوط

    لارحتو السوق تلفون السوق لف من 3 العصر الى 12 بالليل.. واحين بالجامعه مسوين فيها سندريلا الدلوعه

  12. ٢٦
    سعود

    السلام عليكم انتو ماعندكم الا اداره الامن والسلامه يعني موظفين حاكينها في الشمس من الصباح وفي ميدان الجامعه وكل شي تقولون الامن والسلامه احترمو وقفته في الشمس خافو الله الامن ماله شغل كل هذا من اداره الجامعه الامن ماحذو حسر وهططو لمرور الطالبات من الجسر
    يعني الامن مو راضي على الزحمه الي حاصله فأمنى مايكون العتب على الامن لانه مجرد ياخذ اوامر من اداره الجامعه

    طالب حامعي

  13. ٢٥
    سعود

    انا اقول الامن ماله شغل هم ياخذون الاوامر من اداره الجامعه لاتصيرون انتو والزمن عليهم ثاني شي الاحساء نيوز بسك تنبشين على الجامعه مب كل شي بيصير بتتدخلون فيه اعتقد في اداره للجامعه تحل ها المواضيع هذي

    • ٢٤
      بو عبد الله

      هذا كذب صريح في كل مرة يقولوا نفس الكلام ان هذه اوامر من ادارة الجامعة ياحبيبي ادارة الجامعة عينته(اقصد مشرف الامن) وأعطته صلاحيات ومالها شغل في التفاصيل وعلى العموم تخبط واضح ، شوف مثلا المطبات الي ارتفاعها يصل الى 20 سم اي مطبة وين صارت وبعدين ازالوهم لما شافوا تسبب الزحمة الصباحية هذا مثال على انه دلخ ومايفهم شيء قال ايش قال مشرف أمن.

  14. ٢٣
    بنت البقيق

    انا طالبة من البقيق المشوار مدته من منطقتي الى الجامعة ساعتين واكثر وبالكاد اصل ع وقت بدء المحاضرة ،،، اما الان فأصبحت أتأخر ٣٠ دقيقة عن المحاضرة ويحسب لي غياب !!!!!!!!!!!!! ما ذنبنا نحن لنضطر للمشي هذه المسافة ولماذا التفرقة بيننا وبين السيارات والباصات الصغير ؟ هل هم لديهم رب يختلف عن الرب الذي لدينا ! هم يصلون مرتاحين الى عند باب المبنى ونحن نقطع ٣٠ دقيقة في الشمس القاتلة والحارقة ذهابا وإيابا !!!!!!! لدينا باصات لها وقت معين للانتظار اذا تأخرنا عنها فالباص سوف يمشي ولن ينتظر !!! بسبب هذه المسافة !!!! جامعة تتخذ قرار غير مدروس !! هل اتخذتموه لاراحة السكيورتي في الجامعة ام ماذا !! وظيفة السكيورتي هي الامن وتنظيم المرور لماذا تفعلون هذا لإراحته!!! وظيفة الطلاب هي الدراسة والتفوق العلمي!! كيف سنحصل ع الدرجات العالية بهذا التعذيب ! واحتسابنا غياب بسبب قرار الجامعة نفسها !!

  15. ٢٢
    ابو عبد الله

    هم معينين مسؤول الامن والسلامة ضابط سابق وخبرته جعلته يفرض غرامات على زملاءه في الجامعة دون سابق انذار ودون ارتكاب اي خطأ او وقوف او اي من الاخطاء المتعارف عليها الامرور ..يعني لم يقف في مدخل مثلا او اوقف سيارته على رصيف مثلا ولم يكن هنالك لوحة تمنع الوقوف اشهد الله ورسوله اني صادق فيما اقول .. كيف توكل مثل هذه المهمة الصعبة الى واحد أمثال هذا !!!
    حسبي الله ونعم الوكيل عليه وعلى من رضى به

  16. ٢١
    بن شويص

    اصل من جاها مدير الامن الجديد وهي خربانه

  17. ٢٠
    طالبةة

    حسبي الله ونعم الوكيل .. يعني مادري شنو استفادو من النظام ذا … مسافة طويله غير لما يمشي عنا الباص ما يمدينا نلحق نوصل له و نظطر ننتظر ساعة ونص عشان عشان يجي مرة ثانيه ان شاء الله يفيد معاهم و يرجعونه نفس قبل .. قرار سيء من البدايه

  18. ١٩
    غير معروف

    السلام عليكم هيئة الجامعه نزول الحافلات من البوابه 7لوجود جسر يربطه بالمدينه الجامعيه وعدم المشي في الخارج وكذلك جسر يربط المدينه الجامعيه بالمباني القديمه ليه الانزعاج من هذا التنظيم فالجامعات الآخري اكبر من فيصل بكثير والطالبات تتنقل من جهه الي جهه بدون سيارات

  19. ١٨
    مطلق الجنابي

    عشوائية في قرارات ضد الطلبات ومتعاقدين مع موظفين برواتب تصل 18000 ريال للعمل في إدارة الأمن والسلامة واحد متقاعد من العسكرية وواحد من أرامكو وهذه اللي خذاه منهم وين هيئة الفساد عنهم مافي احد يحاسبهم

  20. ١٧
    ابن الاحساء

    قرار واحد نايم
    هذا القرار يدل على انه الجامعة مومهية لدخول الحافلات
    وهذي مصيبة
    او صاحب القرار لايعلم بأمور الجامعة

    والمشتكى لله

  21. ١٦
    ابو نديم

    مشكل واجد ياصديق

  22. ١٥
    محمد

    لازم وحده من الطالبات الي يمشون من بوابة سبعه الى مبنى كلية العلوم القديم
    ( تموت ) عشان يفكر المسؤول في ايجاد حل أو ينظر للوضع بعين الرحمة…مش كذا يا مسؤولي جامعة الملك فيصل؟!!!!!!!!!!!!!!!!!!!!

  23. ١٤
    فهدخالد

    السلام عليكم ورحمة الله وبركاته .. الملاحظ كثرة الشكاوي والتذمر من مسؤلي هذه الجامعه (جامعة الملك فيصل بالاحساء ) الى متى هذا السكوت عنهم . الظاهر الا ان تكون هناك ضحيه. المشكله ان اكثر الشكاوي في الجامعه هو من قسم الطالبات الذين لاحول ولاقوه لهم . واذا راجعتهم غير متواجدين ويعطونك موعد بعد اسبوعين وتروح وايضا المدير او المسؤول في اجتماع مايخلص الا بعد الظهر . ويعطونك موعد ثاني . ايها المسؤولين الا تخافون انكم محاسبون . حسبنا الله ونعم الوكيل.

  24. ١٣
    طالبة جامعيه

    الله لايوفقكم ي جامعة فيصل ع هالنظام والانظمة الجديده اللي والله مانستفيد منها بالعكس نتضرر اكثر واكثر اليوم وحده من البنات جاها رعاف في خشمها قوي بسبة الشمس والمشي اللي ماله داعي

  25. ١٢
    موظف بالجامعه

    حسبي الله ونعم الوكيل مع ذا الجامعه حرام طالبات يمشون كل هالمسافه الطويله تراهم اناث مو رجال ممكن يتحمل شوي وش ذا النظام التعبان الجامعه اعتفست من جابوا هالمستشار الامني عفسو نظام الأمن عفسونا يا زين النظام اول كلن مرتاح بموقعه الحين نداوم غصباً علينا علشان رزقنا وعشان القرب الله يرحم ايامك يالمديني .

  26. ١١
    طالبة جامعية

    افيدكم علما انه يوجد سيارات صغيره داخل حرم الجامعه يستخدمونها الامن للتنقل بين الكليات علما بان الكليات لا تبعد عن بعض كثيرا بل مسافة 5 دقائق بالكثير
    انا ادرس في المدينة الجامعية وتحملت الاهانه والمعامله السيئه والتصريف الذي بسببه لم اتمكن من وقف القيد غير انه انخفس معدلي بسبب هذا وغير التصريفات من من مشرفتي الاكاديميه ومنسقة قسمي ترفض تسجيل المواد للطالبات اللي مو ماشين ع الخطه ولكن لم اشتكي من هذا كله وانما اشتكي من هذا القرار الجديد الدخول من بوابه 7 علما بأني جربت امشي فيه فقط المعبر الداخلي واستغرق مني 15 دقيقه لوصولي للدرج اللي يصعدون منه البنات
    انا افهم انهم يحاولون يلقون حل للازدحام لكن مو لهالدرجه

  27. ١٠
    طالبة

    اولاً المسافه جدا. طووويله غير اني ادخل مبنيين مروراً بدرج الطوارئ!!
    لكن هناك مسكلة اكبر وهو انو المكان ابداً مو سيفتي من اسلاك بالعداد وادوات خطره وعمال يشتغلون ، المكان جدا خطر غير انو مافي مراعاة للي عندهم حالات صحيه وغير التخصات الي يكلفونا نجيب اشيا احجامها كبيره

    الوضع جداً سيء

  28. ٩
    خالد

    مسافه بسيطه قومتو الدنيا وتلفون السوق من عصر الله ناس مدري شلون تفكر
    هذه الخطه الجديده لفك الازدحام وانا اايد الامن على ناجح الخطه لهذه العام
    احنا موظفين نبي نجي نبصم ذيك السنه نشوف الجامعه فل والسنه هذه نمر بكل اريحيه الامن واصل والى الافضل

    • ٨
      ابن النخيل

      انت اكتب عدل الله يهديك عشان تنتقد الطالبات ..
      نجاح مو ناجح ..
      وثاني شي تعال بدري عشان تبصم

  29. ٧
    بوتركي

    اعتبرو المشي رياضة داخل سور الجامعة والشي الثاني لو افتحو المجال للباصات الكبيره تدخل راح تسبب ازمة في داخل الجامعة

  30. ٦
    ابن النخيل

    اغلب اللي ينتقدون البنات بالردود عنده سياره ومكيف .. ومشغل لي المسجل ومروق .. ويقول للبنات هذا انتوا تلفون السوق وما تتعبون ..
    وهو اذا طرشته امه للبقاله قال تعبان ..

  31. ٥
    مجهولة

    مدام الدخول للباصات الصغيرة والسيارات من بوابة 4 ؛ والباصات الكبيرة من بوابة 7 ؛ طيب خلاص يا طالبات ؛ كل وحدة تخلي ولي امرها يطلب من مكتب النقل اللي اهيا مسجلة فيه ؛ يغيرون باصهم الكبير وياخذون واحد صغير بداله ؛ عشان تفتكون ويصير دخولكم من بوابة 4 اسهل

  32. ٤
    طالبة جامعية

    انا عندي اقتراح ؛ انه يكون بدل الدرج الي نصعده وننزله عشان نمشي بالممر ، ينحط بداله مصعد آلي ، يصعدون به الطالبات ، ويقفون عليه سكرتيه عشان لاسمح الله اذا تعطل المصعد او تسكر على الطالبات ؛ تقدر السكرتيه تحل المشكله

  33. ٣
    غير معروف

    الشكاوى وصلت الى مدير الامن والمسؤلين ولم يهمهم الارهاق الحاصل لبناتنا والمردود السلبي الجسدي والدراسي .
    ومايعني هذا أن المدير ومن لهم امر تحصيل الحل ليس عندهم الوعي الفكري وليسوا في مقام ماوضعوا فيه .

  34. ٢
    ولي امر

    الشكاوى وصلت الى مدير الامن والمسؤلين ولم يهمهم الارهاق الحاصل لبناتنا والمردود السلبي الجسدي والدراسي .
    ومايعني هذا أن المدير ومن لهم امر تحصيل الحل ليس عندهم الوعي الفكري وليسوا في مقام ماوضعوا فيه .

  35. ١
    بو عبد الله

    معرفات واسماء وهمية للدفاع عن مشرف الامن أمثال (سعود ، غير معروف، خالد) هو اصلا مشرف الامن فشل في اشياء كثيرة على سبيل المثال كثرة المطبات والمطبات هي الي مسويه زحمة صباحية بعدين ازالوها وفرض غرامات على زملاء واساتذة بدون ذنب ، او يشغل سفتي سيارات الامن بعز النهار حماس زاااايد الرجال جاي متحمس مشرف ههههههه

    كل الشكر للاخوة والاخوات الي قالوا الصدق خصوصا الاخت التي عقبت على سياراات الامن اللي يتخرطفون بين شوارع المدينة الجامعية مسببين زحمة وربكة مادام ان المسافة قصيرة على قولتهم ليش يستخدموا هم سيارات الامن ؟!!
    ننتظر الاجابة

    تحياتي
    ابو عبد الله _ احد منسوبي الجامعة.

اضف تعليق

بريدك الالكترونى لن نقوم بأستخدامه.

You may use these HTML tags and attributes:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>